"ممنوع يكون عذر لغيابك".. نجوم الفن يدعمون رامي جمال بعد إصابته بالبهاق

حرص عدد من نجوم الفن والغناء على مساندة الفنان رامى جمال بعد أن أعلن إصابته بمرض البهاق، وقاموا بتوجيه رسائل دعم وحب له وعدم اعتزاله الفن، وسوف نستعرض لكم في التقرير التالى أبرز النجوم الذين دعموا الفنان رامى جمال فور إعلان مرضه بالبهاق .

اليسا

دعمت الفنانة اللبنانية إليسا، صديقها رامي جمال بعدما اعلن اصابته بمرض البهاق من خلال تغريدة بحسابه الشخصي بموقع التدوين الاجتماعي تويتر.

وكتبت اليسا :"ممنوع تغيب وممنوع يكون البهاق عذر لغيابك. إنت بتقول ابتليت بالبهاق، بس مش سبب لتخاف وتغيب. في ناس ابتلت بالكذب والخيانة والسرقة وما هزت. وجودك أساسي ومتل ما إنت بتقول: أصل الحكاية مش حكاية "شكل"... حكاية روح".

ممنوع تغيب وممنوع يكون البهاق عذر لغيابك. إنت بتقول ابتليت بالبهاق، بس مش سبب لتخاف وتغيب. في ناس ابتلت بالكذب والخيانة والسرقة وما هزت. وجودك أساسي ومتل ما إنت بتقول:

أصل الحكاية مش حماية "شكل"... حكاية روح ❤@RamyGamal https://t.co/YhH3raZCxf— Elissa (@elissakh) November 11, 2019

رندا البحيري

دعمت الفنانة راندا البحيري، المطرب رامي جمال، بعد إعلانه لأول مرة أمس، عن إصابته بمرض البهاق، ومعاناته بسببه، وتفكيره في الاعتزال.

نشرت راندا صورة لرامي عبر حسابها على انستجرام، وعلقت كاتبة: "الحمد لله علي كل شئ.. أنا بحبك أوي يا رامي وأنت أكيد عارف ده. ربنا يقدرك علي اللي هتشوفه أكيد من المجتمع. بس أنا عن نفسي بنصحك... تولع الناس. وخليك مع القريبين. وانجح واشتغل أكتر من الأول كمان. بحبك جدا".

#الحمدلله علي كل شئ أنا بحبك أوي يا رامي و إنت أكيد عارف ده. ربنا يقدرك علي اللي هتشوفه أكيد من المجتمع. بس أنا عن نفسي بنصحك... تولع الناس. و خليك مع القريبين. و إنجح. و إشتغل أكتر من الأول كمان. بحبك جدا 🌹#راندا_البحيري @ramygamalmusic A post shared by Randa Elbehairy (@randaelbehairyofficial) on Nov 11, 2019 at 12:36am PST

زينة

كشفت زينة أنها لا تجمعها برامي جمال أي علاقة صداقة سابقة ولكنها من محبي فنه، وكتبت عبر حسابها بتطبيق انستجرام: "انسان محترم ربنا يعفوا عنك ...للاسف احنا في دنيا مابترحمش والنَّاس بقت صعبه ياريت نحاول يكون في قلوبنا رحمة ...انت انسان موهوب يمكن انا ماتشرفتش بمعرفتك بس قلبي معاك واوعي تفكر تتهزم ده مرض عادي وربنا يعفوا عنك وقول الحمد لله والنَّاس الرحيمة كتير واعتبرني من اهلك والإنسان بموهبته واحترامه وأخلاقه وبس".

انسان محترم ربنا يعفوا عنك ...للاسف احنا في دنيا مابترحمش والنَّاس بقت صعبه ياريت نحاول يكون في قلوبنا رحمة ...انت انسان موهوب يمكن انا ماتشرفتش بمعرفتك بس قلبي معاك واوعي تفكر تتهزم ده مرض عادي وربنا يعفوا عنك وقول الحمد لله والنَّاس الرحيمة كتير واعتبرني من اهلك والإنسان بموهبته واحترامه وأخلاقه وبس @ramygamalmusic ❤️❤️❤️ #keepgoingramygamal A post shared by Zeina Reda (@zeinareda29) on Nov 10, 2019 at 3:55pm PST لطيفة

ووجهت الفنانة لطيفة، رساله دعم لرامى، قائلة: " حبيب قلبى يا رامى يا مبدع يا محترم يا مختلف، اوعى تفكركده أول حاجه لازم تقول الحمدالله على كل حاجة، دى مرض حصل لناس كتيروتعالجت منها الحمد الله وبعدين أحنا بنحبك على موهبتك وفنك الرائع وكل جمهورك وأنا منهم بنبقى مستنيين جديدك دايما"، أما الفنان عمر السعيد، قال له:" بحبك زى ما أنت ".

إيمان العاصى

وقالت الفنانة إيمان العاصى،" حبيبي يا رامي أنت أقوي من أي حاجه وفنان وموهوب ونجم وكل ده ولا حاجه قصاد نجاحك وحبك لفنك ربنا يقدرك علي الناس عديمة الإحساس ربنا يخليلك ناريمان بالدنيا ".

حمدى الميرغنى

وتمنى الفنان حمدى الميرغنى، الشفاء العاجل لرامى، قائلا: ربنا يشفيك يارامي ده مش حاجه اصلاً ده الصداع أصعب منه ياخويا الناس كلها بتحبك ️..وكل ماتشوفني أحمد ربنا وأعرف أنك في نعمة"، فيما قالت له الفنانة إيمى سالم،" كمل و أعمل اللي بتحبه و إحنا معاك وفي ظهرك".