"دمرتوها نفسيا".. أوس أوس يعلق على انتقاد زوجته

أعرب الفنان الشاب محمد أسامة "أوس أوس"، نجم مسرح مصر، عن استياءه من حملة الانتقادات الشرسة التي تعرض لها وزوجته، بعد حضورهما حفل زفاف شقيقة مصطفى خاطر، الذي أقيم مؤخرًا، وذلك بسبب وفاة طفلهما منذ شهرين.

ونشر "أوس أوس"، صورة تجمعه بزوجته رويدا، عبر حسابه الشخصي بموقع التواصل الاجتماعي لتبادل الصور والفيديوهات "إنستجرام"، وعلق على الصورة قائلا: "أنا مش محتاج أبرر وأحكى أي حاجة عن حياتى والست اللى قلبى اخترها كنت ساعتها في أول موسم لتياترو مصر كنا نتقاضى مرتبات مش ممكن تفتح بيت وأول ما اتجوزت كنت قاعد في بيت إيجار كمان أنا بس هكتفى بالنقطتين دول علشان أصحاب العقول والنفوس المريضة يعرفوا ويبطلوا نغمة (الفلوس بتعمل اكتر من كده )، الفلوس ممكن تشترى سرير بس ماتشتريش النوم! ومش أنا بس دا أغلب المشاهير اللى بتحسدوهم على حياتهم دلوقتى ماتعرفش بدا من أمتى واتبهدل إزاى ولولا وجود حد جنبه بيسنده ويدعمه ماكنش هيعرف يعدى من أي مشكله نفسية أو مادية في حياته".

وأضاف: "مش معنى إنى بنزل أشتغل أو بتصور وأنا مبسوط ده معناه إنى هموت من الفرحة بس دى مهنتى واجبى ناحية جمهورى إنى أخرجه من أي حزن هو فيه كل ده بعمله على حساب حزنى وجرحى ووجعى أنا ..وفى الاخر بتشتم برضه !".

وتابع قائلًا: "أنا بقول الكلام ده ولن أسمح باى تدخل في حياتى الشخصية مرة أخرى سواء بالخير أو بالشر أو دخول اسم مراتى في أي كلمة من كلام المرضى النفسيين. مراتى اللى أخوها متوفى وابنها متوفى وماصدقت أول مرة أخرجها نروح مناسبة ودمرتوها نفسيا تانى بكلامكم المريض..حسبى الله ونعم الوكيل فيكم.. حقك عليا ياست الكل، سكت كتير وكنت بعدى لكن مفيش فايدة.. كل واحد يركز في حياته.. الطموح حلم مشروع عند كل الناس أسعى واتعب وكافح وربنا اللى بيكافئ مش البشر بدل ماتفضل تبُص في حياة الناس".

وقام بعض رواد مواقع التواصل الاجتماعي مؤخرًا بانتقاد "أوس أوس" بسبب مشاركته في مسرحية "صباحية مباركة" التي تعرض حاليًا، بعد وفاة نجله، كذلك حضوره وزوجته، السبت، حفل زفاف أخت مصطفى خاطر، على شقيق مصطفى بسيط.

اقرأ أيضا:

بعد غضب جمهور "الهضبة".. "أنغامي" تعوِّض مستخدميها عن العطل الفني خلال حفل عمرو دياب

إيناس الدغيدي رئيسا للجنة تحكيم المسابقة الدولية بمهرجان الإسكندرية السينمائي