أبدت الفنانة لقاء الخميسي انزعاجها من حلقة صيد الثعالب التي قدمتها الإعلامية ريهام سعيد أمس، وأثارت بها عاصفة من الجدل عبر مواقع التواصل الاجتماعي.
ويبدو أن رأي لقاء الخميسي قد أزعج ريهام سعيد إلى الحد الذي ردت به على منشورها عبر موقع تبادل الصور والفيديوهات الشهير "إنستجرام" وكتبت معلقة: "نكذب على الناس ونوريهم طريقة صيد غلط؟ طب الحمد لله إن احنا اكتشفنا أنهم بيتعذبوا كده وبطلي تلبسي جاكتات بالآلاف عشان يبطلوا يصطادوا الحيوانات دي وعلى فكرة أنتي بتاكلي حمام وهو بيتضرب بالنار وبتطلعي سمكة من المية وبتشوفيها وهي بتطلع في الروح وتاكليها وبتدبحي الجاموسة وبتصطادي الفار وبتقفلي المصيدة على ديله، أي طريقه صيد مؤلمة".
أضافت: "الإعلام دوره العرض أي حاجة وأي مهمة بسلبياتها وإيجابيتها إحنا مش برنامج أطفال حضرتك، القتل والدم لما بيظهر في الأفلام بيجرح نظر الأطفال ده مش معناه أنك بتشجعي القتل، هو الغريب أني المفروض زميلة وأنك تنتقديني ده غير مسموح وبعدين أنا متاكدة أنك ما اتفرجتبش على الحلقة الدنيا دوارة على فكرة إن شاء الله البرنامج يكون سبب في أن الظاهرة دي تقف لأن الناس دي معاها تصاريح، المهم هنا أني عمري ما كنت أعرف أنك مهتمة بالتليفزيون أول مرة أشوفك حاطه بوست انتقاد على أساس مفيش حاجة خالص تنتقد غيري، معلش أنا مقدرة خلي بالك عشان كله بيرجع".
لترد عليها لقاء الخميسي قائلة: "أنا مش بتكلم عن المذيع أو المذيعة، بتكلم عن مبدأ الفعل وعرضه على الشاشة و فُرجة بعض الناس عليه على إنه فعل عادي فتيجي الأطفال تتأثر وقبلهم الكبار اللي بنشوف فيديوهاتهم وهما بيعذبوا الحيوانات، كلامي واضح " لا لتعذيب الحيوان أو أي كائن حي" بأي وسيلة ونشرها وعرضها على الملأ، ياريت ما ندخلش في تفاصيل ما تخصناش، كلامي عن المحتوى الغير مناسب وغير مقبول لأيًّ م اكان مش بس في البرنامج أو غيره في العموم، لازم طول الوقت تسليط الضوء على الرحمة مع الحيوان وعدم تعذيبه إلا في حالة الدفاع عن النفس إذا هاجم الانسان".
كانت ريهام سعيد تعرضت لحملة انتقادات واسعة من المجموعات المهتمة بحقوق الحيوان عبر موقع "فيسبوك"، وصلت لحد المطالبة بمقاطعة برنامج "صبايا الخير" عبر شاشة "النهار" بسبب إمساكها وفريق عمل البرنامج بثعلب صحراوي حي، وأصدرت قناة النهار بيانا للاعتذار عن عرض هذه الحلقة موضحة أنه تم حذفها من كل المنصات.
اقرأ ايضاً...
أول تعليق من دنيا سمير غانم بعد إصابة زوجها بفيروس كورونا
شاهد.. مسلسل الهيبة الرد الجزء الرابع الحلقة 25
تابعوا أخبار بلدنا اليوم على Google News
