"العروس جريت بعيد عن الفرح".. أحمد سعد يروي موقف تعرض له أثناء إحياء أحد حفلات الزفاف

روى الفنان أحمد سعد موقف مؤثر تعرض له أثناء إحياء أحد حفلات الزفاف.

وكتب أحمد سعد، عبر حسابه الشخصي على موقع الصور والفيديوهات الشهير "انستجرام"، : " كنت بغني في فرح ولكن الفرح كان مليء بالبكاء بدأت بأغنية (كل يوم )والناس مبسوطة وبعدها بغني أغنية (بحبك ياصاحب ) قامو الناس جريوا عليا بسرعة وقالوا لي لأ ماتغنيش أغنيهة بحبك ياصحبي ، ماتغنيش بحبك ياصاحبي !".

وتابع أحمد سعد:"مافهمتش في ايه ؟! فماغنتش (بحبك ياصاحبي) والعروسه قامت بتعيط وجريت بعيد عن الفرح، فغنيت أغنيه تانيه قامت العروسه قامت تاني وعيطت وسابت الفرح ! مكنتش فاهم في ايه ؟! طب أغني ايه ؟! المعازيم قالولي معلش لان هي بتحب ابوها جدا وابوها كان بيحبك حب غير عادي وانت بالنسبه له اهم حد وكل الاغاني بتاعتك لها ذكريات مع ابوها . وهي كانت بتغنيله (بحبك ياصاحبي) لو هو موجود دلوقتي كان اول حد هايجيبه يغني في الفرح كان هايكون انت، ومش العروسة هي اللي جابتني الفرح".

اختتم سعد حديثه قائلًا "العروسة في الفرح طول الوقت تبصلي وتفتكر ابوها وتعيط، العروسة دي علمتني يعني ايه بنت بتحب ابوها وان الحب ده قد ايه حقيقي وصادق ونقي وان الاب ده كان راجل طيب و أب حنين علشان يتغناله من بنته بحبك ياصاحبي الله يرحمه"