مؤسس "أمهات مصر" تطرح موضوع "القدوة" بين أولياء الأمور مع أبنائهم للنقاش

كل إنسان فى الحياة لابد أن يكون له "قدوة".. يا ترى كل واحد من أبنائكم قدوته مين؟، بهذا السؤال، وجهت عبير أحمد، مؤسس اتحاد أمهات مصر للنهوض بالتعليم، ائتلاف أولياء الأمور، حديثها إلى أولياء الأمور.

وقالت عبير، فى تصريحات صحفية، إنها وجهت هذا السؤال للتركيز على "القدوة" وإحياءها بين أولياء الأمور من الأمهات مع أبنائهم، وذلك نظرا لأهمية وجود قدوة حسنة لأبنائنا يقتدوا بها وتكون دافع لنجاحهم فى مختلف المجالات.

وشددت عبير على أهمية حسن تصرفات وأسلوب الآباء والأمهات فى جميع معاملاتهم، لافته إلى أن الأبناء يفعلون ويقلدون تصرفات الوالدين سواء كانت جيدة أو سيئة، وبالتالى لابد أن يكونوا قدوة لهم.

وتفاعل أولياء الأمور على صفحة إتحاد أمهات مصر وائتلاف أولياء الأمور، فى الفيسبوك، حيث قالت ولى أمر: "القدوة للجيل ده مختلفة لأنهم جيل سابق وثقافته غيرنا خالص، بس فى العموم أنا وباباهم القدوه فى أغلب الأمور ومبدأ الحرام والحلال والصح والغلط".

وأضافت ولى أمر أخرى: "بابا وماما وشيخه معلم القرآن والطفل الجميل القارئ عمر على ربنا يبارك فيه"، وتابعت أخرى: "حقيقة قدوتهم انا وباباهم دايما الطفل فعلا بيحاول يقتدى بأهله فى تصرفاتهم وأفعالهم لأنهم دائما هما اللى أمامه فى كل الأوقات الطفل مرآة لأهله".

واستكملت ولى أمر أخرى: "هما دايما شايفين أنا قدوتهم ودايما بعلمهم يتعاملوا بالأحسن وأسلوبهم يبقى كويس مع اللى حواليهم وإن الكلمة الطيبة صدقة ودايما يكونوا أفضل من غيرهم وميتعلموش من اللى حوالهم ويقتبسوا الشئ السئ زى اللى بنشوفه الأيام دى وربنا يحفظ أولادنا جميعا يارب".

وذكرت ولى أمر: "هما بيتعاملوا دايما معايا إن أنا قدوتهم وأنا بقولهم شوفوا دايما الناس الأحسن منكم واتعلموا منهم، شوفوا الصاحب الكويس والمدرس المحترم واتعلموا تكونوا أفضل ودايما تكونوا أحسن".

 وأضافت أخرى: "بصراحة البنات عندى أنا وباباهم قدوتهم وفرحانة بيهم جدا إنهم فخورين بينا وبيتعلموا مننا حاجات كويسة وبتمنى يفضلوا كده على طول ونفضل مثلهم الأعلى".