«صفاقة وسفاهة»... فنانون يهاجمون سلوم حداد بعد سخريته من أدائهم في الفصحى

أثار الفنان السوري سلوم حداد، جدلا واسعا، بتصريحاته الأخيرة التي سخر فيها من أداء الممثلين المصريين للغة العربية الفصحى.

وصرح سلوم حداد، بأن الممثلين المصريين غير قادرين على إتقان الفصحى أو نطق حرف "الجيم" معطش، واستثنى من ذلك فقط الراحلين عبد الله غيث، ونور الشريف.

 ورغم أن تصريحاته أثارت ضحك الحاضرين إلا أنها أشعلت غضب كبير بين الفنانين المصريين.

ردود الفعل الغاضبة من الفنانين المصريين

رامي الطمباري

ورد الفنان رامي الطمباري: “أنا ماعنديش مشكلة إنك تقول رأيك ده رأيك وبيعبر عنك وانت حر فيه لكن أنا مختلف معاك تماماً، لأن عندنا قائمة طويلة جدا من الممثلين اللي بيجيدوا اللغة العربية، ومش هقدر أعد أساميهم من كترهم، ومش قلة قليلة زي ما انت قولت ومش بس زمان ده لحد دلوقتي”.

وتابع: “الدكتور يحيى الفخراني مثلاً بيقدم مسرحية الملك لير على المسرح القومي، ومعاه أكتر من عشرين ممثلاً وممثلة بيتكلموا الفصحى بطلاقة، بالرغم من ذلك، ده رأيك وانت حر فيه، لكن إياك تفكر تسخر مننا، لأن ده اسمه صفاقة وسخافة وسفاهة وأنا آسف إني احترمتك في يوم من الأيام”.

صبري فواز

فيما اكتفى “فواز”، بتعليق قصير: "فتي جاهل وتملق للصالة التي تعطش الجيم".

كريم سرور

كما قال: “على فكرة أول ما اخترعوا السينما جابوها على مصر سنة 1896”.

محمد علي رزق 

وتابع محمد علي رزق: “هرد بجد يا جماعة علشان لما اتريقت قولتولي إزاي تسخر من أستاذ سلوم حداد، مع إنه إدى لنفسه الحق يسخر من الفنانين المصريين، يا أستاذ سلوم، حضرتك غلط فيه فنانين مصريين كتير بيتكلموا لغة عربية فصحى صحيحة مليون في المية وتقدر تشوف آخر عمل اتقدم في مصر باللغة العربية وهو مسلسل رسالة الإمام”.

 وأضاف: “حضرتك ممكن تيجي مصر وتشوف د يحيى الفخراني هو وكل فريق عمل مسرحية الملك لير وهما بيمثلوا بالفصحى وممكن تعمل جلسة نقاش فني مع الفنان أحمد ماهر وهو لوحده كفاية عليك كمان ممكن تزور استوديوهات الدوبلاج اللي مليانة شباب بيشتغلوا بالفصحى وتشوف الهواة قبل الأكاديميين وهما بيتقنوا اللغة فيا ريت حضرتك ما تتكلمش عن حاجة انت مش عارفها شكراً”.