مي عمر: «افتتاح المتحف المصري الكبير سيكون لحظة فخر جديدة لمصر»

عبرت الفنانة مي عمر عن حماسها الشديد لافتتاح المتحف المصري الكبير، المنتظر أن يكون الحدث الثقافي الأضخم في تاريخ مصر الحديث.

وكتبت "عمر" عبر حسابها الرسمي على موقع "فيسبوك":"من وأنا طفلة صغيرة، كان عندي حلم أزور الأهرامات وأحس بعظمة المكان ده وفعلاً زرتها لأول مرة من أكتر من 20 سنة وقتها كانت لحظة سحرية عمري ما نسيتها".

 

وأضافت:"النهاردة بعد كل السنين دي رجعت أزور الأهرامات من تاني.. ومن اللحظة الأولى انبهرت بالتطور الرهيب اللي شفته، شفت قد إيه المكان اتحول لمزار سياحي عالمي بمعنى الكلمة، بقى منظم وجميل وراقي وكل تفصيلة فيه بتحكي مش بس عن تاريخنا لكن كمان عن حاضرنا اللي بفخر به".

إشادة بجهود الدولة والرئيس

وأكملت مي عمر منشورها برسالة تقدير للقيادة السياسية قائلة: "ده كله بفضل المجهود الكبير اللي اتعمل والقيادة اللي آمنت إن مصر تستحق تكون في المكانة دي.. كل التقدير والاحترام لفخامة الرئيس عبد الفتاح السيسي اللي بيشتغل بكل إخلاص علشان يرفع اسم مصر، ويخلي كل مصري يحس بالفخر في كل خطوة وفي كل لحظة".

واختتمت مي عمر بتعبيرها عن انتظارها للحظة الافتتاح المنتظرة قائلة: "شكرًا لأنك رجعت لمصر هيبتها وجمالها ومكانتها اللي تستحقها.. مستنية من كل قلبي لحظة افتتاح المتحف المصري الكبير.. لحظة هنعيش فيها فخر جديد ونشوف حضارتنا العظيمة وهي بتتجدد قدام عيون العالم كله.. مصرية وأفتخر".

 

الست موناليزا 
 

وعلى صعيد الدراما تخوض مي عمر السباق الرمضان 2026 بمسلسل يحمل اسم "الست موناليزا" تأليف محمد سيد بشير وإخراج محمد علي، وهو أول تعاون لـ مي عمر مع فريق عمل جديد منذ عامين بعدما ارتبط اسمها في السنوات الماضية بالعمل مع زوجها المخرج محمد سامي، وقدمت معه نجاحات لافتة في مسلسلي "نعمة الأفوكاتو" و"إش إش" والذي عرض رمضان الماضي.

يُذكر أن آخر أعمالها كان مسلسل "إش إش"، من تأليف وإخراج محمد سامي، وشاركها بطولته عدد كبير من النجوم، من بينهم هالة صدقي، ماجد المصري، انتصار، إدوارد، دينا، شيماء سيف، عصام السقا، وعدد من ضيوف الشرف أبرزهم محمد ممدوح، أحمد زاهر، خالد الصاوي، محمد عبد الرحمن.

ودارت أحداث مسلسل "إش إش" حول فتاة فقيرة ترث الجمال من والدتها وتجبرها الظروف على العمل كراقصة، قبل أن تجد نفسها وسط عائلة غامضة تمتلئ بالأسرار المدفونة.