الدعم الجديد: استبدال العيش بفراخ أو زيت أو سكر حسب رغبة المواطن

كشف الإعلامي أحمد موسى، عن تفاصيل حديثه مع وزير التموين بشأن التحول من الدعم العيني للدعم النقدي، مؤكدا أن المنظومة الجديدة تمنح المواطن حرية كاملة في الاختيار.

حرية كاملة للمواطن في اختيار السلع

 

وقال "موسى"، خلال برنامجه "على مسئوليتي" المذاع على قناة "صدى البلد"، المواطن مش هيكون مجبر على سلعة معينة، هيقدر يشتري من التموين اللي هو عايزه.

وأضاف حتى لو المواطن مش محتاج عيش، يقدر يستبدل قيمة الرغيف بأي سلعة تانية فراخ، زيت، سكر، أي حاجة حسب احتياجه.
 

تكلفة الرغيف وآلية احتسابه
 

وأوضح موسى أن تكلفة رغيف الخبز على الدولة بتتراوح بين 137 لـ 150 قرش، وده المبلغ اللي هيتحول لرصيد في بطاقة التموين، قائلا لو عايز تاخد بيه عيش كله خير، ولو عايز تشتري سلع تانية براحتك، ومحدش هيفرض عليك تشتري إيه.
 

أصدر الدكتور شريف فاروق، وزير التموين والتجارة الداخلية، في وقت سابق , قرارًا يحدد السلع التي يمكن للمستفيدين الحصول عليها ضمن قيمة الدعم الإضافي، وتشمل:

4 كيلو جرامات من السكر بسعر 28 جنيهًا للكيلو.

3 كيلو جرامات من الأرز بسعر 25 جنيهًا للكيلو.

3 زجاجات زيت وزن 700 مل بسعر 54 جنيهًا للزجاجة.

6 عبوات مكرونة وزن 350 جرامًا بسعر 9.25 جنيه للعبوة.

وبالنسبة للاستعلام عن استحقاق الدعم الإضافي، أوضحت الوزارة أن ذلك يتم من خلال عدة وسائل، أبرزها الاتصال بالخط الساخن 19959، حيث يمكن للمواطن الاستفسار باستخدام بيانات البطاقة التموينية.

ويمكن التأكد من الاستحقاق عبر الرسائل النصية التي ترسلها الوزارة إلى أرقام الهواتف المسجلة على البطاقات التموينية، أو من خلال مراجعة بون صرف الخبز المدعم الذي يظهر عليه إشعار خاص بالدعم الإضافي للمستفيدين.