رسائل وداع مؤثرة لتريزيجيه.. زيزو: "مثال للاعب اللي بيتقي ربنا في شغله"

حرص عدد من نجوم النادي الأهلي على توجيه رسائل دعم ووداع إلى محمود حسن تريزيجيه، بعد إعلان رحيله لخوض تجربة احتراف جديدة، مؤكدين مكانته الكبيرة داخل وخارج الملعب، ومشيدين بأخلاقه ومسيرته.

مصطفى شوبير: شرف لأي حد يزاملك

ونشر مصطفى شوبير رسالة عبر حسابه على إنستجرام، عبّر خلالها عن تقديره الكبير لتريزيجيه، مؤكدًا أنه كان دائمًا قدوة لزملائه.

وقال شوبير: "تاريخ كبير يا تريزيجيه، وشرف ليا ولأي حد إنه يزاملك. طول عمرك مثل أعلى لينا كلنا. بالتوفيق ليك، لأنك لاعب كبير، وقبل كده إنت شخصية محترمة."

زيزو: هتفضل كبير كلاعب وكإنسان

من جانبه، وجّه أحمد سيد زيزو رسالة مؤثرة إلى تريزيجيه، أشاد خلالها بأخلاقه قبل إمكانياته الفنية، مؤكدًا أنه نموذج يحتذى به.

وكتب زيزو عبر إنستجرام: "إنت هتفضل طول عمرك في مكانتك الكبيرة، كلاعب وكإنسان. طول عمرك مثال للاعب اللي بيتقي ربنا في شغله، وفي تعامله، وفي كل خطوة بيخطيها، وده عمره ما بيضيع عند ربنا."

وأضاف: "علشان كده هيفضل يرزقك، ويفتحلك الأبواب، ويكتبلك دايمًا اللي فيه الخير والأفضل. كل التوفيق ليك يا حبيب قلبي."

وتعكس رسائل مصطفى شوبير وزيزو حجم التقدير الذي يحظى به تريزيجيه داخل غرفة ملابس الأهلي، بعدما نجح خلال مسيرته في ترك بصمة كبيرة، سواء على المستوى الفني أو الإنساني، قبل أن يبدأ فصلًا جديدًا في مشواره الاحترافي.