أطفال ملهمون.. اللواء رأفت الشرقاوي يوجه رسالة هامة

وجه اللواء رأفت الشرقاوي مساعد وزير الداخلية الأسبق رسالة هامة للعالم قائلًا: في وسط الظلام لا يخفى النور" وهي حكمة بالغة تعبر عن قوة الأمل والحقيقة ، ولها دلالات عميقة ، فمهما بلغت شدة الظروف السيئة (الظلام)، فإن أقل بادرة أمل (النور) ستكون واضحة ومؤثرة ، فالحق لا يمكن طمسه ، ويظهر جلياً مهما حاول الآخرون إخفاءه ، والشخص الإيجابي أو الصالح يبرز وينال التقدير وسط بيئة سلبية ، فشمعة واحدة تضيء غرفة مظلمة بالكامل وفكرة صادقة واحدة تقضي على

شائعات كثيرة.
☐ الطفل المصرى محمود حسين محمود يعد من الأطفال الملهمون فعمره لم يتجاوز ١٢ عام ويجيد التحدث بعدد ١٥ لغة مختلفة مع السياح والأجانب والأجمل بقى إن كل ده مش هو حلمه الأساسي.. هو نفسه يكمل تعليمه في مصر ويبقى دكتور، وفي نفس الوقت مكمل في شغفه باللغات وعايز يتعلم أكتر عشان يقدر يتواصل مع ناس من بلاد وثقافات مختلفة ، مصر فعلآ

ولادة جيل بعد جيل .
☐ تداول رواد مواقع التواصل الاجتماعي مقطع فيديو لطفل يدعى/ محمود حسين محمود  يبلغ من العمر 12 عاما، ظهر خلاله وهو يتحدث مع عدد من السائحين بلغات مختلفة ، في مشهد أثار إعجاب المتابعين وأشادوا بموهبته اللافتة في تعلم اللغات.
☐ وظهر الطفل خلال الفيديو وهو يتحدث بعدة لغات بطلاقة، من بينها اليابانية والكورية والهولندية

والصينية والألمانية، إلى جانب لغات أخرى، ما أثار دهشة السائحين الذين تفاعلوا معه بإعجاب وانبهار بقدرته على الانتقال بين اللغات المختلفة.
☐ ولاقى الفيديو تفاعلا واسعا عبر مواقع التواصل الاجتماعي، حيث أشاد المتابعون بموهبة الطفل وقدرته الاستثنائية على التحدث بـ15 لغة في هذا العمر، معتبرين أن إتقانه للغات المختلفة يعكس موهبة مميزة.

☐ وأشاد عدد من رواد مواقع التواصل الاجتماعي بالطفل ، متمنين له مواصلة تطوير موهبته والاستفادة منها خلال السنوات المقبلة، خاصة أن إتقان هذا العدد من اللغات في سن مبكرة يعد أمرا لافتا.
☐ الولد ده حكايته تستاهل تتقال بجد... فهو طفل بيشتغل بالليل في كافيه ، وبيتعامل مع زباين أجانب من بلاد مختلفة، لكن اللي لفت نظر الناس مش شغله بس، إنه قدر إنه يتكلم معاهم بـ15 لغة..

☐ هو بيقول إنه من زمان بيحب يثقف نفسه ويتعرف على شعوب وثقافات مختلفة، فاستغل شغله ووجوده وسط الأجانب في إنه يتعلم لغات جديدة بدل ما الوقت يعدّي من غير فايدة.
☐ بدأ من يوتيوب، وحط لنفسه هدف بسيط في الأول، إنه يحفظ حوالي 500 كلمة، وبعدها بدأ يطور نفسه أكتر من خلال الأفلام الأجنبية، والأهم إنه كان بيمارس كل لغة بيتعلمها مع الزباين اللي بيقابلهم

في الكافيه.
☐ ومن ضمن اللغات اللي بيتكلمها الإنجليزي والكوري والإسباني، سواحلي ودي صعبه جدااا ولغات تانية كتير، وبيستخدم اللي اتعلمه في شغله خلال فترة الصيف.
☐ والأجمل بقى إن كل ده مش هو حلمه الأساسي.. هو نفسه يكمل تعليمه في مصر ويبقى دكتور، وفي نفس الوقت مكمل في شغفه باللغات وعايز يتعلم أكتر عشان يقدر يتواصل مع ناس من بلاد

وثقافات مختلفة.
☐ يعني ببساطة ، طفل بيشتغل ويشقى على نفسه، واستغل شغله واحتكاكه بالأجانب عشان يتعلم بدل ما يضيّع وقته.. وفي نفس الوقت متمسك بتعليمه وحلمه إنه يبقى دكتور.
☐ ودي من الحكايات اللي تقولك إن اللي عنده هدف بجد، ممكن يحوّل أي فرصة بسيطة حواليه لحاجة كبيرة ، ربنا يبارك فيه ويحفظه. 
☐ حفظ الله مصر وشعبها وقائدها

وجيشها ورجال امنها وكافة المخلصين من ابناء هذا الوطن وجنبها شر الفتن والاحقاد والشائعات والضغائن والحروب ، اللهم إنى استودعك مصر وأهلها أمنها وأمانها ، ليلها ونهارها ، أرضها وسمائها ، فاحفظها ربى يا من لا تضيع عنده الودائع .