وفاء عامر لوليد فواز: عيب ميصحش كده

وصفت الفنانة وفاء عامر طريقة إعلان وليد فواز طلاقه من الفنانة مي سليم بغير اللائقة وبأنها تتضمن تشهير بها، حيث علقت الفنانة وفاء عامر على ما كتبه وليد فواز بطريقة حادة قائلة: "ميصحش عيب شيل البوست ده لأنه اساءة لك قبلها.. مفيش نصيب يبقى فيه زمالة واحترام.. البنت اشتغلت معايا في جبل الحلال.. بنت زي الفل وكل حد شتم عليها سلف ودين".

الجدير بالذكر أن الفنان وليد فواز قد أعلن منذ عدة أيام عن إنفصاله عن الفنانة مي سليم وذلك بعد زواج لم يدم سوى 25 يومًا، لكنه لم يكن طلالقًا رسميًا بعد ، ومن بعدها أعلن أمس عن إنفصاله رسميًا عن مي سليم وإنتهاء إجراءات الطلاق، ليكتب قائلًا :" قدر الله ما شاء فعل.. اللي حصل النهاردة ده تصحيح لوضع كان من الأساس غلط والحمد لله أنه تم دلوقتي مش بعد كده ".

وأضاف بالقول: "ورغم أن كتير افتكروا اني اتسرعت في إعلان الخبر على السوشيال ميديا.. إلا اني اتعودت اكون واضح مع نفسي وجمهوري اللي طلبت منه الدعاء بعد الضغط علي من قبل البعض وتصدير كم كبير من المشاكل، لدرجة وصلت للتشهير بيا لإصرارى على الطلاق ".