”قصف جبهات”.. هنيدي يسخر من تامر حسني وريهام حجاج تعلق على أزمتها

شهدت الساعات القليلة الماضية "قصف جبهات"، بين السخرية والهجوم والرد، وفيما يلي نقدم لكم أبرز الأحداث الفنية التي شغلت الجمهور مساء الأمس.

ريهام حجاج عن أزمتها مع ياسمين عبد العزيز: "حقد وستات فاضية"

ردت الفنانة ريهام حجاج، على الانتقادات التي وجهت لها في الفترة الأخيرة حول زواجها من طليق ياسمين عبد العزيز، قائلة :"الناس التافهة اللي اجتهدت عشان تطلع صورة قديمة لكتب كتابي من مجلة وتنشرها على انها شئ ممكن يضايقني، أحب أقولهم إطلاقا.. كل محاولات التشويه اللي عمالة تحصل لواحدة اتجوزت على سنة الله ورسوله من راجل مطلق أصلا إن دلت على شئ فتدل على مرض النفوس".

وأضافت، "نصيحة للستات الفاضية.. مافيش راجل بيتسرق الناس بتتجوز وتطلق عادي وكل شئ قسمة ونصيب وربنا اللي بيبقى كاتب ومقدر".

وتابعت، "بلاش تفاهة ولو كل واحد طلع صورته من خمستاشر سنة حايلاقي شكله اختلف عادي (خاصة صور الأفراح اللي فيها ٣ كيلو ماكياچ) دا رسمة الحواجب بتفرق.. المهم الجوهر وأنا مافيش حاجة في حياتي ممكن اتكسف منها واللي حاصل دا ما شئ غير تفاهة وحقد عشان دا جواز".

واستطردت، "اللي الناس بتباركلي عليه.. لا خبر بقضية قتل ولا فضيحة مخلة للآداب.. كفاية هري وصحافة صفرا طبعا الكلام دا للمرضي النفسيين أما كل الناس الطبيعية اللي باركتلي وفرحتلي وماعرفتش ارد عليهم من كترهم، بشكرهم وبقولهم يا رب مسلسل كارمن يعجبكم، يوم ١٠ فبراير على الـ سي بي سي إن شاء الله".

محمد هنيدي يسخر من تامر حسني

شارك الفنان محمد هنيدي في تحدي "الـ10 سنوات"، بشكل ساخر، حيث نشر صوره له من فيلم "فول الصين العظيم"، بجانب صورة المطرب تامر حسني، من داخل الجيم، معلقًا عليها "yearschallenge15".