هيدي كرم تدعم عمرو وردة وتوجه رسالة إلى المنتقدين

دعمت النجمة هيدي كرم، اللاعب عمرو وردة بعد أزمته الآخيرة واستبعاده من المنتخب الوطني المشارك في بطولة الأمم الأفريقية المقامة حاليًا في مصر.

ونشرت هيدي كرم صورة للاعب عمرو وردة، عبر حسابها الرسمي على موقع تبادل الصور والفيديوهات الشهير "إنستجرام"، تدعمه فيه ووجهت رسالة إلى منتقديه.

وكتبت "كرم" قائلة: "عمرو ورده بيلعب بقاله فتره طويله في اليونان يعني أوروبا يعني بنات على قفه مين يشيل و مافيش مشاكل في الصحوبيه و حاجات تانيه كتير لأن ثقافتهم بتسمح لهم بكده تفتكروا انه هايستنى يجي مصر علشان يعاكس ؟".

وتابعت هيدي كرم: في رسالتها لدعم عمرو وردة " و بعدين كلمة تحرش دي كلمه كبيره اوي لما نستخدمها نستخدمها في مكانها لازم تكون بالإكراه و بدون إرادة الطرف الاخر و ده ما حصلش طبعًا".

واختتمت هيدي كرم رسالتها قائلة: "رأي الشخصي ان عمرو اتظلم ظلم كبير و اللي حصل فيه كان شر كبير مقصود ! و اَي شاب في الدنيا مكانه كان ممكن يعمل كده و كل الشباب عارفين كده .. غلط ايوه طبعا غلط لكن غلطه الأكبر انه ما قدرش قيمته و أهميته كلعيب مهم و اتصرف كشاب عادي و كلنا بنغلط .. انا #بدعم_عمرو_ورده و بقوله اللي جاي أحلى".