"كل واحد ليه حياته".. تعليق ناري من لقاء الخميسي لمنتقديها

ردت الفنانة لقاء الخميسي على الانتقادات التي تعرضت لها على السوشيال ميديا، بسب ملابسها وتصرفاتها وعن علاقتها بالله.

ونشرت لقاء الخميسي عبر حسابها الشخصي على مواقع التواصل الاجتماعي "انستجرام"، كاتبه: "يا فنانة، بتكتبي بالإنجليزي ليه؟ يا فنانة، انت بتلبسي مفتوح ليه ما تلمي نفسك! يووووه مالك لابسة مقفل كدا ليه؟ أنت قصيتي شعرك ليه ؟ شكلك وحش؟ انتي طولتي شعرك ليه؟ شكلك بلدي، أنتي بتنزلي بوست يوم الجمعه بدل ما تصلي؟ أنتي متصوره كدا ليه؟ فينك يا منصف؟ انت سالت ايدك خالص! فستانك قرف وذوقك زفت، أنت على فكرة اخرتك جهنم، اعرفي ربنا بقى! إيه دا انتي مسيحية والا مسلمة؟ أنتي سهرانه وبترقصي ومش حاسه بالناس ! انت معندكيش دم ، حسبُنا الله فيكي وفي امثالك ، جهنم وبئس المصير، ما تحترمي سنك بقى وتتلمي ! انتي قدوة !".

وتابعت لقاء: "أولاً احب أوجه الشكر للناس اللي بتحبني زي ما أنا، وجمهوري المهذب المحترم اللي مقدرني زي ماانا ولو احيانا اختلف معايا في الرأي لا يفسد في الود قضيه بيننا شكراً،أما عن هؤلاء المتنمرين ، الكارهين للحياة والحب واحترام الاخر وتقبل الاخر ، يا جماعة صفحتي هي بيتي اللي فاتحاه لحبايبي وصحابي اللي بيحبوني زي ما أنا وأنا باحبهم، أما عن هؤلاء الكارهين الحاقدين اللي مالهومش لا شغل ولا مشغله غير إهانة الناس وفرض أرائهم على الآخرين بدون اي احترام للحريات واختلاف الاّراء والطبائع والأفكار يا جماعة وفروا وقتكم الثمين في شئ أهم من أنكم تتابعو شخص مش بتحبوه".

واختتمت لقاء: "احتفظوا بطاقتكم الإبداعية في الإهانات والتنمر والألفاظ البذيئة والكره لنفسكم ، المهم أنكم تبقو كويسين لنفسكم وحياتكم وما تحاولوش، تملو علينا أرائكم الجدلية، ما تضيعوش وقتكم الثمين مع حد مختلف عنكم وبيضايقكم. الحياة لا تحتمل، احفظوا وقتكم للمتعة والسعاده والتحقق بعيداً عن الهري والسُباب والتنمر، يمكن تعيشو أحسن، خليكم في حياتكم ودعو الخلق للخالق، ما تنصبوش نفسكم المتحدث باسم الله، كل واحد ليه حياته، كل واحد يبص في ورقته".

لقاء .. هو دا انا ! يافنانه .. بتكتبي بالإنجليزي ليه ؟ يافنانه .. انت بتلبسي مفتوح ليه ماتلمي نفسك ! يووووه مالك لابسة مقفل كدا ليه ؟ انت قصيتي شعرك ليه ؟ شكلك وحش ؟ انتي طولتي شعرك ليه ؟ شكلك بلدي ! انتي بتنزلي بوست يوم الجمعه بدل ماتصلي ؟ انتي متصوره كدا ليه ؟ فينك يا منصف ؟ انت سالت ايدك خالص ! فستانك قرف وذوقك زفت . انت على فكره اخرتك جهنم .. اعرفي ربنا بقى ! ايه دا انتي مسيحيه والا مسلمة ؟ انتي سهرانه وبترقصي ومش حاسه بالناس ! انت معندكيش دم .. حسبُنا الله فيكي وفي امثالك .. جهنم وبئس المصير . ماتحترمي سنك بقى وتتلمي ! انتي قدوة ! ********** أولاً احب أوجه الشكر للناس اللي بتحبني زي ماانا .. وجمهوري المهذب المحترم اللي مقدرني زي ماانا ولو احيانا اختلف معايا في الرأي لا يفسد في الود قضيه بيننا :) شكراً. اما عن هؤلاء المتنمرين .. الكارهين للحياة والحب واحترام الاخر وتقبل الاخر .. ياجماعه صفحتي هي بيتي اللي فاتحاه لحبايبي وصحابي اللي بيحبوني زي ماانا وانا باحبهم . اما عن هؤلاء الكارهين الحاقدين اللي مالهومش لاشغل ولا مشغله غير إهانة الناس وفرض أرائهم على الآخرين بدون اي احترام للحريات واختلاف الاّراء والطبائع والأفكار . ياجماعه وفرو وقتكم الثمين في شئ اهم من أنكم تتابعو شخص مش بتحبوه ، واحتفظوا بطاقتكم الإبداعية في الإهانات والتنمر والألفاظ البذيئة والكره لنفسكم . المهم أنكم تبقو كويسين لنفسكم وحياتكم وماتحاولوش. تملو علينا أرائكم الجدلية . ماتضيعوش وقتكم الثمين مع حد مختلف عنكم وبيضايقكم . الحياة لا تحتمل . احفظوا وقتكم للمتعة والسعاده والتحقق بعيداً عن الهري والسُباب والتنمر .. يمكن تعيشو احسن . خليكم في حياتكم ودعو الخلق للخالق . ماتنصبوش نفسكم المتحدث باسم الله . كل واحد ليه حياته .. كل واحد يبص في ورقته . #انا_هو_انا #اختار_حياتي_كما_اريد #لقاء A post shared by Lekaa Elkhamissi (@lekaa.elkhamissi) on Dec 16, 2019 at 11:17am PST