"بلاستر طبي" يكشف هُوية رضيعة عثر عليها ملقاة في أحد شوارع القاهرة

تداول عدد من رواد مواقع التواصل الاجتماعي، صورة لطفلة حديثة الولادة، عثر عليها ملقاة في أحد شوارع القاهرة، ليتم حجزها في إحدى الحضانات والتي اكتشفت هُوية الطفلة من خلال بلاستر طبي مثبت في قدم الطفلة.

وكتب أحد المستخدمين قصة الطفلة قالاً: "لما واحد يلاقي بنت زي دي ف الشارع بلبسها عمرها يومين تلاته يقول أي ع الدنيا إللي بقينا فيها، البنوته دي واحد لقاها مرميه ووداها القسم وجابوها اتحجزت ف حضانه 6 أكتوبر وكانت لا حول بيها ولا قوه".

وتابع: "يشاء الله أن إللي رماها مخدش باله إن في بلاستر ملزوق باسم الام والدكتور إللي ولدها ع رجليها لأن مستشفيات حكوميه كتير بتحط بلاستر بدل الاسوره، يمكن دي حاجه تقدر توصلنا باهلها والله أعلم، وفي أثار ع جسمها إنها كانت فحضانه أثار تركيب كانيولا ونيزل".

وأثارت صور الطفلة، غضب العديد من مستخدمي السوشيال ميديا، حيث قال أحدهم: "لما آنتو مش قد العيال بتخلفوهم ليه"، فيما طالب آخرون بمشاركة صور الطفلة على الصفحات المختلفة للتوصل إلى أهلها: "شير ياجماعه يمكن حد من أهل البنت يشوف البوست ده يمكن أبوها قال لأمها إنها ماتت وهي عايشة، واسم الام والدكتور ظاهرة على البلاستر فيارب نعرف نوصل لهم".