تامر حسني يشارك جمهوره ببوست تحفيزي.. شاهد

شارك الفنان تامر حسني جمهوره ببوست تحفيزي على حسابه الخاص على موقع الانستجرام الخاص به، ليحاول توصيل بعض خبراته في الحياة.

علق على البوست: "نهاركم جميل زيكم، من كام يوم نزلت بوست تحفيزي ليكم عن النجاح والحقيقة فرحت أوي من استقبالكم للبوست، وسبحان الله حسيت ناس كتير كانت مستنية تسمع الكلام ده".

تابع: "يا جماعة احنا في العصر الصعب ده بنواجه كمية حقد وغل مش طبيعية، لازم نرد عليها بالعكس، لازم يكون في طاقة أكبر بترد على الإحباط ده، والحقيقة إن أنا عندي بعض الخبرات في الحياة من خلال رحلتي المتواضعة وأحب أوصلها ليكم، هحاول كل كام يوم كدا اتناقش معاكم في موضوع أو اقترح عليكم حاجة بعملها دايمًا".

أضاف: "هبدأ بحاجة بعملها بإستمرار وعلمتها للمقربين مني ومواظبين عليها من سنين، وهي انكم حالًا تستحضروا ناس في دماغكم بتحبوهم وتدعولهم بأسمائهم في ظهر الغيب بكل اللي بيتمنوه".

اختتم كلامه: "وكل فترة نكررها ونثبتها وزي ما بنثبت حاجات تانية في حياتنا مش بالأهمية دي، والله هتلاقوا التساهيل كتير حصلت مش هتعرفوا بتحصل منين، يالا بينا دعوات".