شوبير يحسم الجدل حول تدخل محمد صلاح فى تشكيل منتخب مصر

رد أحمد شوبير على الشائعات التى تشير إلى تدخل محمد صلاح نجم ليفربول الإنجليزي فى تشكيل منتخب مصر خلال الفترة الماضية .

وقال شوبير عبر برنامجه الإذاعى: "أوعى تصدقوا حد يقولك إن صلاح بيتدخل ويقول فلان يلعب وفلان ميلعبش، صلاح لا يملك القوة لهذه التصرفات، لكن صلاح بيحب لاعيبة معينة وبيرتاح معاهم عادى يعنى ويقعد معاهم فى أوضته لكن الملعب مفيش الكلام ده".

وانتقد شوبير هجوم البعض على محمد صلاح قائلا: "فى إيه يا جماعة يا بخت اللى عنده محمد صلاح ويا بخت اللى عنده ميسى ويا بخت اللى عنده رنالدو، لاعيبة كدا مش هتكرر".

وأضاف: "هتقولى صلاح مجبش أجوال كتير فى التصفيات دى هقولك استنى صلاح فى المرحلة الحاسمة مع المنتخب هيحقق الفارق وهفكركم".