حمو بيكا لبرنامج "كلام الناس":"أنا مستعد اعتزل دلوقتي حرام عليكوا كفاية ظلم"

حل مطرب المهرجانات حمو بيكا، ضيفا في حلقة اليوم، من برنامج كلام الناس، مع الإعلامية ياسمين عز، والمذاع عبر شاشة mbc مصر.

وأشار حمو بيكا إلى تعرضه لظلم كبير، وأنه مستعد للاعتزال فورًا، لأنه لن ينجح في اختبارات نقابة المهن الموسيقية.

وقال حمو بيكا خلال حديثه :"أنا  مستعد اعتزل دلوقتي، حرام عليكوا أنا هموت وكفاية ظلم، وفيه ناس صوتها مش حلو، ونجحت في اختبارات نقابة المهن الموسيقية، أشمعني أنا؟ هطلع أصرخ في الشارع".

وكشف حمو بيكا عن موقفه من أمتحانات النقابة، وقال:"أنا مش عايز أدخل امتحانات النقابة تاني، علشان كل ما بدخل بسقط، وبيقولولي غني أم كلثوم، وأنا مش هعرف أغير صوتي، لأني مطرب مهرجانات شعبية".

وأضاف بيكا وقال:"أمي تعبت وخايفة عليا، وقالتلي سيب الشغلانة، بس قولتلتها أنا مش بعمل حاجة غلط، ودا شغلي وليه اتمنع".

يذكر أن حمو بيكا، قد أثار جدلًا واسعًا، على مواقع التواصل الإجتماعي، بعد ظهوره في بث مباشر، عبر حسابه الشخصي، بموقع إنستجرام، حيث كشف عن خلافه مع عمر كمال، مشيرًا إلى أنه أصبح مغرورا، ولا يرد على مكالماته.