لحظات مؤثرة لسيدة تودع كلبها يثير تعاطف الآلاف.. فيديو

خلال الساعات القليلة الماضية، أثار مقطع فيديو للحظات مؤثرة تودع فيه سيدة مكلومة على أمرها كلبها بالدموع والصرخات تعاطف الآلاف، مع كثرة نداها على كلبها، قائلة: «ما تسبنيش يا حنفي».

ورددت السيدة خلال مقطع الفيديو المؤثر: «يلا يا سعيد، ميه يا سعيد، والنبي والنبي ياحنفي ما تسبنيش، والنبي يا حنفي ما تموت، والنبي يا حنفي ما تسبنيش».

وتابعت السيدة الحزينة على كلبها: «والنبي يا حنفي ما تسبنيش، ارجع يا عمري ارجع، ارجع يا حنفي علشان خاطري، ارجع يا حنفي وحياتي، والنبي طلع يجري مش عاوز يموت قدامي، رجع والنبي يا حنفي، والنبي يا حنفي ما تسبنيش».

وعلق ناشر الفيديو بأنه توفي بالفعل وحملته السيدة التي لم يكشف عن اسمها بين ضلوعها حتي قامت بدفنه تحت التراب.

وكانت من أبرز تعليقات المشاهدين لمقطع الفيديو المؤثر: «لا حول ولا قوة إلا بالله العلي العظيم والله وجع قلبي الراحمون يرحمهم الله الرحمه بالحيوان من رحمه ربنا»، «الرحمة حلوة سبحان الله ربنا يجعل رحمتها للحيوان فى ميزان حسناتك»، «لا حول ولا قوة إلا بالله العلي العظيم..ربنا ينتقم من اللي أذاه وحسبي الله ونعم الوكيل، وربنا يصبرها ويوفيها جزاء رحمتها بيه فى الدنيا وفي الآخرة يارب..المشهد يقطع القلب ومش مضحك نهائي للناس اللي داخله تستهزأ بيها وبمشاعرها.دي نعمة من ربنا للأسف اتحرمتم منها».