شوبير يكشف مفاجأت نارية في رحيل رمضان صبحي عن الأهلي ..فيديو

رد الإعلامى أحمد شوبير على تصريحات رمضان صبحي لاعب بيراميدز فى أحد البرامج التلفزيونية.وأوضح:" الأهلي سعي لحد اخر ثانيه عشان يمضي مع رمضان ولما خلص مع النادي الانجليزي رمضان كلم امير تاني يوم وقاله انا بفكر في بيراميدز وامير قاله لا انا عايز قرار نهائي راح رمضان قاله اصل بيراميدز مقدم عرض حلو ومقدرش ارفضه".

وتابع:" التصدير للناس ان الأهلي محاولش هذا كلام غير صحيح .. التصدير للناس ان الاهلي مكنش عايزك هذا الكلام كذب وغير صحيح والأهلي دفع فلوس قد كده عشان يجيبك النادي.

وأردف:" مينفعش تطلع تعمل للجمهور " هش " وتقولي اصل الاعلام وناس معينه هي السبب في ان الجمهور يبقي ضدي دلوقتي لا يا حبيبي وبعد كده تطلع تقول انا مش قصدي الحركه دي للجمهور دي حركتي العاديه".

وتابع أحمد شوبير رداً على تصريحات رمضان صبحي :"هو أنا اللي قولت مش ممكن ألعب للأسيوطي سابقا؟ هو أنا اللي عملت حركة ماتصحش لجمهور الأهلي في البرومو؟ هو أنا اللي ماوجهتش أي شكر للنادي اللي عملني وله فضل عليا في المؤتمر الصحفي؟ بلاش الزج بإسمنا .. عايز تجمل الصورة حقك لكن بعيد عننا لإن مفيش كلمة هنا بتتقال خطأ".