حلمي بكر لمحمد فؤاد: "بعت نفسك بالرخيص" والأخير يتوعده:" مش هعدي الموضوع بالسهل وردي هيزعلك"

ردّ الفنان محمد فؤاد، على الملحن حلمي بكر عقب هجوم الأخير عليه بسبب غنائه لنوع جديد من الأغاني الذي وصفه بالرخيص و«بعت نفسك بالرخيص وبكرة تعيط»، قائلاً: «مش هعدي الموضوع بالسهل وردي هيزعلك بسبب هذه الجملة».

وعبّر «فؤاد» خلال مداخلة هاتفية مع الإعلامي سيد علي في برنامج «حضرة المواطن» المذاع على قناة «الحدث اليوم» عن حزنه الشديد بسبب هجوم حلمي بكر مؤخرًا، معقباً: «ناس كتير طلبت مني أرد على الملحن حلمي بكر النهاردة، وكان لازم أرد لأن الموضوع كبير ولكن ردي مش هيعجبه».

ووجّه «محمد فؤاد» رسالة لـ حلمي بكر: «يا أستاذ حلمي شد حيلك، وأنت أخ كبير وشوف أنت عايز إيه وإحنا هعملهولك، ولكن كلامنا هيتأجل بعدين، والموضوع مش هيعدي سهل، وأوعى تفتكر محمد فؤاد سهل، ومش عايز حد يزعل مني، لأن اللي حصل تجاوز غير مقبول ولا يغتفر لو انت مين».

وأكمل «فؤاد»: «عمري ما سمعت لك أغنية وأنا حاليًا مش فايق علشان أرد عليك، وتعالى نتكلم في حاجة تانية، لأني هتضايق نفسي»، متابعًا: «حلمي بكر نازل تقطيع وهجوم ضد الناس كلها وهو دلوقتي جالي وأنا مش هسكت، ومحدش يقدر يعطيني ومواقفي كلها واضحة».