أول بلوجر هير كيرلي ستايلنج تتعرض للتنمر.. "شعرك فروة خروف".. شاهد

تعرضت الشابة رنيم مجدي ذات الشعر الكيرلي إلى الكثير من التنمر من المدرسين بسبب شعرها، لذا قررت أن تحول نظراتهم المقتصرة على المظهر الخارجي فقط، فقامت بعمل مشروع لم تكن تتخيل أنه سيحقق كل هذا النجاح حتى أصبحت أول بلوجر متخصصة في ال "هير كيرلي ستايلنج".

بدأت رنيم رحلتها عندما كانت في الصف الثالث الإعدادي وقالت: "بدأت البلوج بتاعي وأنا في ثالثة اعدادي كنت وقتها بتعرض للتنمر في المدرسة كثير أوي، لدرجة في مرة مدرسة قالتلي شعرك شبة فروة الخروف فالجملة دي أنا منستهاش بصراحة ووقتها عصبتني جدًا وأنا أصلًا شخصية بتحب أي حاجه في حياتها تكون طبيعية بحب أسيب شكلي على طبيعته".

وتابعت: "مكنتش بعرف اهتم بشعري فكانت حاجه صعبة جدًا في البداية فدخلت على اليوتيوب وعملت البلوج بتاعي على الانستجرام ونزلت فيديوهات وتيك توك عشان اوصل للناس ان الشعر الكيرلي مش صعب التعامل معاه، وإنه نوع شعر موجود ومنتشر جدًا وان احنا نقدر نتعامل معاه صح ويطلع مش هايش ومش منكوش وكل الكلام اللي الناس بيقولوه مش حقيقي ممكن يطلع شكله حلو ومهندم".