محمد صلاح: كيروش مش عارف بيعمل إيه ولازم يتحاسب

انتقد محمد صلاح نجم الزمالك السابق، أداء المنتخب الوطني تحت قيادة البرتغالي كارلوس كيروش بعد الخسارة أمام نيجيريا.

وقال صلاح في تصريحات لقناة “الحدث اليوم” : “كارلوس كيروش بيعاند الشعب المصري ولو شايف الناس ماشية يمين بيروح هو شمال، ودايما بيتعامل مع الجماهير كده”.

وتابع: “هل من المعقول إن مفيش حد في مصر بيفهم وكيروش بس هو اللي فينا، والمدرب ده عامل زي النجار المسلح اللي بيرقع في البيت، وكيروش هيفضل يعاند شعب مصر دايما ومفيش فايدة” .

وتابع: "معقول مصر مفيش فيها غير صانع العاب واحد بس وهو عبدالله السعيد، المدرب دا مش عارف بيعمل إيه ولازم يتحاسب" .

وواصل: “كيروش قرر عدم وجود أفشة في المنتخب علشان الجماهير بتحب اللاعب ودايما بيعمل عكس الجماهير” .