رفع شعار لا تصوير وقت المباريات.. فنانات أعلنَّ دعمهن للنادي الأهلي
كانت بليدة ويدوب بتجيب 50% بالعافية.. والد ياسمين صبري يتصدر التريند برد صادم على الفنانة
أثارت الفنانة ياسمين صبري الجدل على مواقع التواصل الاجتماعي لتجدد بذلك ازمتها مع والدها الدكتور أشرف صبري، حيث شاركت في دردشة اطلقاها الكاتب تامر عبده أمين عبر تويتر.
وأثناء الدردشة شاركت ياسمين بعض التصريحات كاشفة بذلك حياتها الشخصية أثناء الطفولة وجاء الحديث كما يلي: "الكون ده عبارة عن مينيو ، وأنت اللي بتختار لنفسك ومحدش بيفرض عليك حاجة، فكر بنفسك واحسبها ثم توكل على الله واختار، أنت لما بتحب حاجة الكون كله بيتسخر لك، وكل حاجة بتحبك لما أنت تبدأ تحب نفسك الأول، لما تطلب من ربنا الكبير اطلب كتير، احنا نستاهل نكون في مكان أفضل، ونستحق كل حاجة حلوة في الدنيا، طبعًا لازم نسعى ونحلم، لأن اللي مبيحلمش دا شخص ميت".
وتابعت ياسمين حديثها قائلة: "كنت طفلة لا أملك كل ما أحلم به، كنت بتمنى أملك ملابس وأحذية جميلة، وقتها تخيلت ودربت عقلي الباطن على التخيل ده دون أن أدري، وعندما كبرت الأمر تطور معي وأصبحت بدرب نفسي على تخيل أحلامي وطموحاتي الأكبر، كنت أنتمى للطبقة متوسطة ، وقد درست فى فترة من حياتى فى إحدى المدارس الحكومية ، وكنت أذهب إلى تمرين السباحة مشياً على الأقدام، وحينها كنت أتخيل أننى أملك أجمل الأشياء فى الدنيا، سواء من ملابس أو شقة فاخرة أو سيارة"، كل مرحلة هتوصل لها هيكبر حلمك معاك، أحببت نفسي جدًا، ولهذا مختلطش بأشخاص ملهمش لازمة، كنت بشوف أني أستحق الأفضل، وأقول كيف أسعى للأفضل وأنا بورط نفسي في أشياء بتهين نفسي وتقلل من شأنها".
هذه التصريحات تسببت في اثارة غضب والد ياسمين الدكتور أشرف صبري وقام بمهاجمتها عبر صفحته الرسمية على مواقع التواصل الاجتماعي "فيسبوك" قائلًا: "دي المدرسة اللي اتخرج منها بناتي اللي واحدة منهم بتدعي إنها كانت في مدارس عربي، وعاشت حياة بائسة فقيرة، وإنها وصلت بمجهودها! هو الكذب في حد يوصل للدرجة دي؟ أنا أفهم الكذب لما تبقي غلبانة وتكذبي، قول أنا من عيلة كبيرة ومدارس أجنبية وعشت في سراية وبابي كان وزير وهو بيشتغل عامل! يبقي كذب له مبرر! لكن إن واحدة اتولدت لها شغالة فلبينية بتلبس من باريس لأني كنت باجيب لها لبسها من هناك ودخلت مدرسة الـ EGC أرقي مدارس إسكندرية في وقتها".
وتابع والد ياسمين حديثه قائلًا: "وعاشت في فيلا بحمام سباحة وصالة جيم ، ولها غرفة خاصة بحمامها وكانت بليدة وطلعت روحي، ويا دوب تنجح بالعافية بخمسن في المية ، وكانت بتروح الكلية بالعافية واصحيها الصبح بالساعة عشان تروح الكلية"، "شهاداتها عندي كلها كحك وأبوها دكتور.. تطلع تدعي إنها عاشت حياة بائسة وغلبانة وبتكمل باقي الشهر من غير فلوس! ايه الكدب والفيلم المتخلف ده انتي عايشة دور تمثيل ورثاه من جد والدتك سيد سليمان. وبتكدبي ليه؟.. حتاخدي نشان يعني علي خيبتك وفقرك وصلتي وبقيتي حاجة؟ انتي بالنسبة لابوكي حتة عيلة مش فاهمة بتعملي ايه غير انك بتشوهي اللي رباكي عشان الناس تسأفلك.. حتي اخوكي بهدلتيه اللي طول عمره جنبك وبيجي من آخر الدنيا عشانك! ياشيخة بطلي اللي انتي فيه ده وحسبي الله ونعم الوكيل فيكي. بطلي تجيبي سيرة عيلتك ابوكي اللي رباكي منك لله".
https://twitter.com/tamerabdoamin/status/1480687579955712002?s=20