تفاصيل جديدة ترويها شقيقة ضحية "مذبحة الزمالك"

بعد الضجة الكبيرة التي شهدتها مصر إثر مقتل 5 أفراد من عائلة واحدة داخل شقة سكنية بحي الزمالك الراقي، قامت منة غزال، شقيقة إحدى المجني عليهن بكشف تفاصيل جديدة عن واقعة قتل والدتها وأشقائها على يد زوج شقيقتها رميًا بالرصاص، وقيامه عقب ذلك بالانتحار.

وقالت عبر موقع التواصل الاجتماعي "فيس بوك" قائلة: "لكل الناس اللي سألت عني أنا كويسة بس مش عارفة ولا قادرة اتكلم معلش أنا اسفه.. ياريت نسأل بدل ماكل واحد بيألف حكاية، واللي متأكد من اللي حصل ياريت يدخل يعدل المعلومة للي ميعرفش.. الميت له حرمته ياريت نقدرها.. الكلام ده للبوستات بتاعت الحدث مش لحد بذاته".

وأضافت: "هو قتل أختي ووالدتي وأخته وطليق أخته وانتحر لما الشرطة اقتحمت المكان مش علشان يحصلها لأ علشان مفيش مفر.. ربنا ما يسامحه أبدًا، وأنا عمري ما هسامح اللي عمل كده في أهلي اللي مكنش ليا غيرهم".

وتابعت "منه": "وللعلم برضو هي راحت تجيب عفش شقتها عشان بتجهز برضو مش عشان تعمل خلافات والكلام اللي بيتقال، وهو اللي طالب كده والجريمة مع سبق الإصرار.. أظن وضحت كل شئ، ولو على أنه مختل هو مش مختل هو اتضح أنه بيشرب مخدرات، معدش عندي كلام أقوله غير ربنا المنتقم الجبار".