منة فضالي: رفضت تجميد بويضاتي ومش عارفة هخلف ولا لأ

أوضحت الفنانة منة فضالي، رفضها تجميد بويضاتها، وقصة الحب بشخص كانت تصرف عليه

وأكملت منة، ببرنامج VIP : "فكرت في فترة ما ولكن كل الناس قالتلي أعمل تجميد بويضات ولكن اتقالي بيأثر على الست، وأنا لسه مش عارفة هتجوز ولا لأ

وأنا صعب جدًا حد يتعامل معايا ومحدش عارفني كويس عشان يتعامل معايا، فبالتالي مبيستمروش، ولازم يعرفوا ايه اللي أنا بحبه قبل اللي بكرهه".

منة فضالي تابعت: "طبعا اتعرضت للخيانة ودي قصة معروفة قفشته وحسيت إن في حاجة مش تمام ولقيت فضائح، أنا بحترم الراجل جدًا ومش ضده بل بالعكس.

ودايمًا مقتنع الراجل لما بيشوف واحدة على مراته يبقى العيب من الست أو هي اللي بتخليه  إنه يبص برة.

وأكملت منة: أنا مسرفة جدًا ولازم اللي يجيلي يبقى جيبه مليان، وأنا ارتبطت بواحد مكنش معاه 3 آلاف جنيه في جيبه، وصرفت عليه فلوس كتير،

ومكنتش ناصحة وكنت صغيرة، نبقى خارجين مثلا ويحصل موقف ويخلع بطريقة ما.

اخر اعمال منه فضالي 

تشارك  بمسلسل "جعفر العمدة" رمضان 2023 بطولة محمد رمضان وزينة ومي كساب وإيمان العاصي وأحمد فهيم وهالة صدقي وعدد من الفنانين ومن إخراج محمد سامي.